Atom energetikasi bo`yicha xalqaro agentlik O`zbekiston uchun to`rtta loyihani tasdiqladi

17 dekabr 2019 / 20:00 728
O`zbekistonda atom energiyasidan foydalanishning milliy siyosatini va strategik yo`nalishlarini tayyorlash hamda amalga oshirishga ma`sul bo`lgan "O`zatom" agentligi Xalqaro Atom energiyasi Agentligi (MAGATE) Boshqaruv Kengashi tomonidan to`rtta loyiha tasdiqlanganini e`lon qiladi.

Kelishuv O`zbekiston va MAGATE o`rtasidagi Texnik hamkorlik dasturi (keyingi o`rinlarda "Dastur" deb yuritiladi) doirasida amalga oshirilgan bo`lib, ular texnik imkoniyatlarni va inson resurslarini oshirish, yadroviy infratuzilmani rivojlantirish, O`zbekistonda atom energiyasidan tinch foydalanish sharoitida yadro/radiatsion xavfsizlikni kuchaytirishga yo`naltirilgan.

O`zbekistonda loyiha ijrochilari quyidagilar hisoblanadi:
* "O`zatom";

*Sanoat xavfsizligi davlat qo`mitasi;

*Yadro fizikasi instituti;

*O`zbekiston milliy universiteti;

* Samarqand davlat universiteti;

* Toshkent shahar onkologiya dispanseri.
Dastur O`zbekistondagi yadroviy ob`ektlarni ekspluatatsiya qilishda yadroviy va radiatsion xavfsizlikni kuchaytirish, tibbiyotda va iqtisodiyotning boshqa sohalarida zamonaviy yadro texnologiyalarini ishlab chiqish va joriy etish, shuningdek, yadro energetikasi to`g`risidagi bilamlarni tarqatishni o`z ichiga oladi.
O`zbekiston 2019 yil davomida Atom energiyasi dasturini amalga oshirish bo`yicha MAGATE bilan yaqindan ish olib bordi va erishilgan kelishuvlar O`zbekistonning yadro energetikasini muvofiqlashtirish bo`yicha xalqaro organ bilan aloqalarini chuqurlashtirish va mustahkamlashga imkon berdi.
"O`zatom" me`yyoriy hujjatlarini ishlab chiqish borasida MAGATE bilan yanada yaqin hamkorlik qilishga umid qilmoqda. "O`zatom" boshqaruv organi qanchalik kuchli bo`lsa, dastur shunchalik xavfsiz va muvaffaqiyatli bo`ladi deb hisoblaydi.

Energetika vazirining birinchi o`rinbosari va "O`zatom" agentligi bosh direktori Jo`rabek Mirzamagmudov bu haqida shunday dedi:

"Biz o`z yadro energetika dasturimizni amalga oshirish yo`lida MAGATE bilan yonma-yon bormoqdamiz. Eng yuqori darajadagi xavfsizlikni ta`minlash bilan birga O`zbekistondagi yadro energetikasi va yadro texnologiyalari sohasidagi bilimlarini takomillashtirish bizning ustuvor vazifalarimizdir.

Biz erishilgan kelishuvlar uchun MAGATEdan juda minnatdormiz va bizni qo`llab-quvvatlagani hamda hamkorlik qilayotgani uchun minnatdormiz. Biz keyingi tavsiya;lar va ruxsatlarni olishga umid qilamiz."